«ՄԱՆԿԱՎԱՐԺԱԿԱՆ ՃԱՄԲԱՐ»
27/03/2023-ի առավոտյան 09։00-ից սկսվեց «Մուտք Կրթահամալիր» հնգօրյա (27/03/2023-31/03/2023) մանկավարժական ճամբարը։
Ճամբարի ընթացքում նախատեսված են կրթահամալիրի գործունեության, աշխատանքի կարգերի, ծրագրերի հետ կապված քննարկումներ, վերլուծություններ ինչպես նաև հանդիպումներ կրթահամալիրի ղեկավարների հետ։
Ճամբարի համակարգողն է Լենա Ղազարյանը։
Մասնակիցները թվով տասնյոթ հոգի դասավանդողներ են ովքեր «Մխիթար Սեբաստացի Կրթահամալիրում» անցել են վերապատրաստում և կատարել են կամավորական աշխատանք։
Հնգօրյա ճամբարի օրվա լուսաբանումները
Օր առաջին (27/03/2023):
- 9:00-9:15՝ հանդիպում ուսումնական ագարակում
- 9:15-10:00՝ պարտեզապուրակային աշխատանք. Էդմոն Փաշինյան
- 10։05-10:45՝ Մանկավարժական ակումբ․ Մարիետ Սիմոնյան
- 10։50- 11։30՝ դասավանդողի գործունեությանը վերաբերող կարգեր. Լուսինե Փաշայան
- 11:35-12:20՝ «Մուտք կրթահամալիր» մանկավարժական ճամբարի ծրագիր. Լենա Ղազարյան
- 12։20-12։50՝ ընդմիջում
- 12։50-13։00՝ քայլք մայր դպրոց
- 13։00 -14։00՝ հավաքներ մասնախմբերով
- 14:00-ից՝ ճամբարի լուսաբանում, օրվա ամփոփում բլոգներում, անհատական հեռավար աշխատանք՝ «Դպիրի» » ընթերցում
Առաջին իսկ օրը հագեցած էր տարբեր բնույթի հանդիպումներով, քննարկումներով։ Օրը սկսվեց ուսումնական ագարակում ձիավարությունունից և շարունակվեց կրթական մեթոդիկայի ու կարգերի քննարկում-վերլուծություններվ և մաթեմատիկական ֆլեշմոբի խնդիրների լուծումներով կրթահամալիրի փոխտնօրեն՝ Գևորգ Հակոբյանի հետ։
Տեղի ունեցան կարևոր հանդիպումներ կրթահամալիրում ղեկավար անձնակազմի ներկայացուցիչներ՝ Մարիետ Սիմոնյանի և Լուսինե Փաշայանի հետ, քննարկվեցին կրթական մեթոդիկային վերաբերող հացեր և կրթահամալիրում դասավանդողի գործունեությանը վերաբերող կարգերը՝
- Մանկավարժական աշխատողի ընդունելության կարգ
- Աշխատաժամանակի կառուցվածք (շաբաթական անհատական պլան)
- Սովորողի, աշխատողի՝ բացակայելու, այդ մասին տեղեկացման
- Ուսումնական ծանրաբեռնվածության գրանցման
- Աշխատողների բացակայությունների, այդ մասին տեղեկացման կարգ
- Բացակայող, արձակուրդում գտնվող աշխատողին փոխարինելու կարգ
- Կաբինետի ղեկավարի աշխատակարգ
- Մանկավարժական աշխատողի բլոգին ներկայացվող պահանջներ
Օրվա ֆոտոպատումը։
Օր երկրորդ (28/03/2023):
- 9:00՝ Հանդիպում Մայր դպրոցի պուրակում
- 9:05-10։00՝ պարտեզապուրակային աշխատանք Սարալանջում. Արտակ Ռշտունի
- 10։05- 10։45՝ դասավանդողի գործունեությանը վերաբերող կարգեր. Լուսինե Փաշայան
- 10։50-11:30՝ Մանկավարժական ակումբ․ Մարիետ Սիմոնյան
- 11:35-12:20՝գրագետ հրապարակումներ մեդիա հարթակում. Լենա Նալբանդյան
- 12։20-12։50՝ ընդմիջում
- 12։50-13։00՝ քայլք մայր դպրոց
- 13։00 -14։00՝ հավաքներ նախագծային, ստեղծագործական խմբերով, ակումբներով
- 14:00-ից՝ ճամբարի լուսաբանում, օրվա ամփոփում բլոգներում, անհատական հեռավար աշխատանք՝ «Դպիրի» ընթերցում
Հնգօրյա ճամբարի երկրորդ օրը նույնպիսի էնտուզիազմով ու հետքրարությամբ անցավ ինչպիսին, որ կար առաջին օրը։ Օրը սկսվեց Սարալանջում Արտակ Ռշտունու հետ․ կատարեցինք պարտեզապուրակային աշխատանքներ՝ էտեցինք խաղողի վազերը և ծանոթացանք խաղողի տարբեր տեսակ անունների (Սարալանջի այգու տարեկան բերքատվությունը կազմում է 1,5 տոննա)։
Լուսինե Փաշայանի հետ շարունակեցինք քննարկել կրթահամալիրում առկա կարգերը՝
- Ուսումնական պարապմունքի կազմակերպման
- Ուսումնական պարապմունքի գրանցման
- Ուսումնական աշխատանքի գնահատման
- Հեռավար ուսուցման կազմակերպման
- Առցանց ուսումնական պարապմունքի կազմակերպման
- Ուսումնական ճամփորդության կազմակերպման
- Կրթական փոխանակումների նախագծի մշակման և իրականացման
Մարիետ Սիմոնյանի հետ քննարկեցինք դասավանդման արդի խնդիրները և կատարեցինք վերլուծություններ մեթոդիկայի հետ կապված հարցերից։
Հանդիպեցինք արվեստաբան Լենա Նալբանդյանին և քննարկեցինք առցանց հարթակներում կրթահամալիրի գործունեության էֆֆեկտիվության բարձրացմանը վերաբերող հարցեր․ մասնավորապես ներկայացվեց կրթահամալիրի լոգոն և պաշտոնական ֆեյսբուքյան էջը։
Օրվա ֆոտոպատումը։
Օր երրորդ (29/03/2023):
- 9:00՝ Հանդիպում Մայր դպրոցում
- 9:05-10։00՝ Այց խաղողի և գինու դպրոց. Արտակ Ռշտունի
- 10։05-10:45՝ ուսումնական օրացույց. Լուսինե Փաշայան. Ավագ դպրոց, ՏՏ լաբ.
- 10։50- 11։30՝ Մանկավարժական ակումբ․ Մարիետ Սիմոնյան. Ավագ դպրոցի ընթերցասրահ
- 11:35-12:20՝ Կրթահամալիրի մանկավարժական աշխտոողը. կրթահամալիրի տնօրեն Սուսան Մարկոսյան. Ավագ դպրոցի ընթերցասրահ
- 12։20-12:50՝ մարմնամարզություն. Ռոզա Գսպոյան, Անդրանիկ Դարբինյան
- 12:50-13։00՝ ընդմիջում
- 13։00 -13։45՝ հավաքներ մասնախմբերով
- 13։45 — 14։25՝ ընդհանուր պարապմունք, ընդհանուր ժողով Մարմարյա սրահում
- 14։30-ից՝ ճամբարի լուսաբանում, օրվա ամփոփում բլոգներում, անհատական հեռավար աշխատանք՝ «Դպիրի» ընթերցում
Այս օրը նույնպես սկսվեց խաղողի և գինու դպրոցից Արտակ Ռշտունու հետ։ Ծանոթացանք գինու պատրաստման տեխնոլոգիաներին, նշանավոր հյուրերի կողմից նվիրված հատուկ տեսակի խաղողի վազերին։
Լուսինե Փաշայանի հետ հանդիպեցինք Ավագ դպրոցի ՏՏ լաբում։ Հանդիպման ընթացքում քննարկեցինք մանկավարժական «հնարքները» սովորողների ինչպես նաև ծնողների հետ հարաբերություններում։ Քննարկվեց նաև «Մխիթար Սեբաստացի» կրթահամալիրում առկա ուսումնական օրացույցի բովանդակությունը։
Մարիետ Սիմոնյանի հետ հանդիպման ընթացքում քննարկեցինք Օշոյի «Պայքար առանց կատաղության» ստեղծագործության վերլուծությունները։
Կրթահամալիրի տնօրեն Սուսան Մարկոսյանը իրականացրեց սլայդերի ցուցադրություն «Կրթահամալիրի մանկավարժական աշխտոող» թեմայով։
Սպորտային միջոցառման ընթացքում դասավանդողները ծանոթացան հեծանվասպորտին ինչպես նաև զբաղվեցին հեծանվավարությամբ։
Օրվա ֆոտոպատումը։
